الجمعة 12/8/1428هـ

وأنا دمعتي على خدي!!“

هاذي كلمات الجملة الي انطقت فيها العجيز جارتنا القديمة المعروفة بـ“أم فهد“صديقة الوالدة وهي تسولف او تشكي عن سالفة صارت لها تضيق الصدر لدرجة انها جلست بغرفتها بلحالها عشان تفضفض وتتذمر وتسب على راحتها وتصيح زي ماتبي ..الي شدني ولفت انتباهي هو شي واحد.. sشلون حرمة كبيرة في السن يهون على احد يزعلها او يفكر انه يضايقها ..وليه الايام القليلة بعد عمر طويل بتعيشها وهي عارفة ان بتمر عليها ايام مثل هاليوم يخليها تسكر على نفسها بالغرفة وتفضفض لحالها!!.. في وقت ان المفروض تكون فيه بأحسن حالاتها مع عيالها وأحفادها وكل الناس الي لهم معزة بقلبها ويحبونها..غريب هالزمن الي مايعرف لا صغير ولا كبير..وغريب هالشعور لما يضايقك شي ولا تقدر توقفه او ما يبقى لك احد يساعدك..رغم سنك!!الله يسامح هالزمن ويسعدك يا ام فهد......? انتهــى..

الكل بهاليوم يتذكر اول لحظة عاشها مع الي هواه..
الكل بهاليوم يتمنى انه يقضي طول عمره معاه..
الكل يعترف بإحساسه..يختصر شوقه بكلماته..
والي ما اعترف بحبه..اليوم بس تشجع تجرأ واعترف..
اعترف انه يحب..انه يحس..انه يشتاق..وانه خلاص أصبح واحد من العشاق..
مافيه شي بهالدنيا يساوي شعور الي يحب لما يعترف..ينطق احبك ويديه ترتجف..
آآآآه يا محلا هالشعورلما تحب..
وبكل لهفة وجراءة تعترف انك ومن قلبك تحب..

(عيد الحب)

كتاباتي2

..أضحك مع الكل وأملي فضا الكون بحكاياتي..
وأبين لهم إني رفيق الأمل وانه دربي وبداياتي..
وأنا فكري مع ذاك الطفل..الي تاه في خافقي..
يصرخ وينادي لأقرب الناس ومحد راضي يسمع له..
آه يا ذاك الطفل..ما تنفس إلا ألم ولا ارتوى إلا دموع..
ورغم كل التعب وكل الجروح مامات عنده احساسه..
ظل عايش ينطر ذاك الحنان الي يعطيه الامان...

كتاباتي

غريب امرالزمن..
لما يعيشك بفرح ..يسلبه بلحظة ويعيشك بحزن..
غريب انك تحب ويبيعك الي تحبه بلا ثمن..
الغريب لما تحس انك غريب..
وتشوف ان الوفا شي عجيب..
وتصبح انسان ثاني ماله ماضي..
متعود يخون وعنده الخيانة شي عادي..
للأسف تضعف للزمن..للقدر والحب..
وللأسف تنسى انك الوافي..

بدايتي مع التدوين

السلام عليكم ورحمة الله وبركاته

انا مدونة جديدة في عالم التدوين

شدتني فكرة التدوين لأني احب الكتابة مووووووت

واتمنى تقبلوني صديقة لكم

وتستمتعوا بمواضيعي

:)

باااااااااي